Arrietak honakoa adierazi du: "Kanpaina hasi arte energiak gordetzen egon gara eta gaurtik aurrera gogor egingo dugu lan. Itxaropena dugu alkatetza lortzeko".
Gaur, egubakoitza, hauteskunde kanpainaren hasiera aprobetxatuz, PSE-EEk ohiko ekitaldia egin du egubakoitzeko merkatuan. Arrosak banatu ditu herritarren artean eta aurten, arrosez eta programaz gain, erosketarako poltsak eta goxokiak ere banatu dituzte. Aritz Arrietak adierazi du "gogotsu" hasi dutela kanpaina: "Herritar asko hurbildu zaigu arrosak hartzera eta pozik gaude lehen ekitaldiaren erantzunarekin.
Izan ere, kanpainan lehen egunak dira garrantzitsuenak, gero herritarrak normaltasunarekin hartzen dituzte-eta kanpaina ekitaldiak". Horrez gain adierazi du "itxaropentsu" daudela: "Alkatetza lortzea espero dugu, arrasatearrak aldaketa gura dutela uste dugu-eta. Aurreikuspenak onak dira".