Logoa

Bizigune programari esker 29 etxe jarri dira errentan

 Arrasate Bizigune programaren bitartez, Arrasateko Udalak 29 etxebizitza atera ditu merkatura errentan emateko. Programa honek, etxebizitza hutsak segurtasunez errentan eman nahi dituztenen eta alokatzeko nahia dutenen interesak bateratzen ditu.

Hego haizea izango dugu nagusi datozen egunetan

 Arrasate Metereologiaren geltokian Pello Zabala izan da gaur Arrasate Irratiko Igo Autobusera saioan. Badirudi hurrengo egunetan hego haizea eta euria izango ditugula protagonista. Garaitsu honetako eguraldiaren gaineko esaera zahar batzuk ere ekarri dizkigu Zabalak.

‘Arrixan’ etxea botatzen dabiltza

 Arrasate Gaur goizean hasi dira Arrixan etxea botatzen. Gaur bertan bukatuko dituzte eraiste lanak. Gero, etxe berria eraikiko dute Muxibarko biribilgunearen bueltan.

Azoka Plazako aparkalekuaren kudeaketa sistema aldatzeko eskatu diote Udalari

 Arrasate Azoka Plazara joaten diren saltzaile asko kexu dira inguruko aparkalekuekin dituzten arazoekin. Udaltzaingoari eskatu nahi diote aparkaleku hori azoka baten jardueraren inguruko aparkaleku moduan kudeatzeko, hau da, automobilei eta kamioiei denbora mugatua utziz.

Mojategi Proiektuko lanen Jarraipen Batzordea sortuko du Udalak

 Arrasate Mojategiko kirol gune berria egiteko lanak hasita daude. Orain, dena ondo eta priektuan zehaztutakoaren arabera joango dela ziurtatzeko, Mojategiko obren Jarraipen Batzordea sortzea erabaki du Udalak.

Lagun Arok 25 mila euro eman ditu artxibategirako

 Arrasate Iazko abuztuan bustitako artxibategiko dokumentuak berreskuratzeko dirulaguntzak hitzartu zituzten egubakoitzean, urriak 7an, Arrasateko Udalak eta Lagun Aro Aseguru-etxeak.

Iritsi da Maritxu Kajoi eguna

 Arrasate Urte dexente pasatu da lehenengo koadrilak gorbata jantzita txikiteoan irten zirenetik. Hala ere, orain dela 25 urte hasitako tradizioa mantenduz, gaur, urriko lehen ostiralean, Maritxu Kajoi eguna ospatuko dute arrasatearrek. Arrasate Irratiak, FM 107.7an, saio berezia eskainiko du arratsaldeko 20:00etan.

Batzokiari eraso egin diote

 Arrasate Bart gauean, Batzokiari eraso egin diote, eraikinaren atzeko aldetik. Harriak eta pintura hori-gorriz betetako botilak jaurti dituzte, balkoira eta goiko leihoetara.

Testing zerbitzua Maritxu Kajoi jaian

 Arrasate Maritxu Kajoi gauean, gauerditik goizaldeko 03:00ak arte, Testing zerbitzua jarriko du Arrasateko Udalak. Hala, gazteek kontsumitu nahi dituzten drogen analisia egin dezakete eta, horretaz gainera, drogen gaineko informazio zabala ere izango dute.

Alderdi Sozialistak helegitea jarri du Aita Frantziskotarrei egoitzaren zati bat erosteko erabakiaren aurka

 Arrasate Alderdi Sozialistaren Udal Taldeak helegitea jarri du, irailaren 26an Aita Frantziskotarrei egoitzaren 700 metro koadro erosteko Osoko Bilkurak hartu zuen erabakiaren aurka. Sozialistek diote Aita Frantziskotarrekin sinatu behar den hitzarmen berriak ez diela mesede egiten Udaletxeari edo herritarren interesei, Frantziskotarrei baizik.

Arrasate Irratiak programazio berria hasi du

 Arrasate Uda Giroan saioa joan den barikuan amaitu zen, eta gaur, astelehena, Igo Autobusera saioarekin hasi dute ikasturte berria Arrasate Irratian. Saioak berrikuntzak izango ditu, eta albistegia eta zorion agurren tartea indartu nahi dituzte.

Iruzurra hainbat dendatan

 Arrasate Hogei urte inguru dituen gizonezko batek ahalegin bat baino gehiago egin ditu dendariak nahastu eta dirua lapurtzeko. Ordaindu ondoren, kanbioak hartzeko orduan ahalegintzen da iruzurra egiten. Gutxienez denda batean, San Andres auzoko denda batean egin du iruzurra, baina gehiagotan ere ahalegindu da.

Artelanen erakusketa Kilometroak 05en alde

 Arrasate Zenbait artista gipuzkoarren artelanekin "Artea-Plazara" izeneko erakusketa egingo dute Arrasateko Harresi aretoan. Irailaren 30ean, egubakoitzean, zabalduko dute erakusketa, 12:30ean.

"Real Sociedad eta Euskara" izeneko mahai-ingurua atzeratu egin da

 Arrasate Fagor Etxetresna Elektrikoetako euskara planak "Iraila-miraila" kultur astearen barruan antolatu du mahaingurua. Hasiera batean gaur, astelehena, egitekoa zen. Azkenean, ordea, bihar, martitzena izango da.

Badatoz Garagartzako laminak eta Neanderthalgo gizakiak, jaietarako

 Arrasate Gaur hasi eta eguenera arte, jaietan ibiliko dira Gargartzako auzotarrak. Kirola, kontzertua, dantzak, bazkaria... egingo dituzte auzotarrek eta Garagartzara doazen gonbidatuek.

Jose Mari Uranga historialaria hil da

 Arrasate Atzo hil zen, 89 urterekin. Ezaguna izan zen herrian Arrasateko historiaren inguruan egin zituen azterketengatik. Egindako lanen artean dugu 1970ean argitaratu zen "Mondragón, trayectoria y anecdotaria" izeneko liburua. Jose Mari Urangaren aldeko hileta elizkizuna gaur izango da, 19:00etan, San Joan parrokian. Jose Mari Velez de Mendizabalek ondo ezagutu zuen Uranga eta Arrasate Irratian egin diote elkarrizketa. Hemen jaso ditugu esandako batzuk:

'Kutsidazu Bidea Ixabel' filma Amaia Antzokian eskainiko dute

 Arrasate Filma, Donostiako Zinemaldian estrenatuko da bihar, irailak 28, Zabaltegin. Ondoren Euskal Herriko Zine Aretoetan ikusi ahal izango da.

Ikastaroa: Streeptease terapeutikoa

 Arrasate Arrasateko Udaleko emakume txokoak eta sexologia zerbitzuek antolatu dute ikastaro hau. Ikastaro berritzailetzat aurkeztu zuten Udako Ikastaroetan ere.

"Pobrezia zero" kanpaina bultzatzeko plataformak sinadurak bilduko ditu

 Arrasate Arrasaten, "Pobrezia zero kanpaina" aurrera ateratzeko plataforma bat sortu dute. Gobernuz Kanpoko Erakunde ezberdinak osatzen dute plataforma eta nahi duen orok har dezake parte.

Arrasate Yoga Elkarteak 25 urte bete ditu

 Arrasate Arrasate Yoga Elkarteak 25 urte bete ditu aurten; mende laurdena igaro da Jose Luis Armendia yoga irakasleak eskolak emateari ekin zionetik. Urteurrena ospatzeko, hitzaldiak eta tailerrak egingo dituzte hilaren 19tik 24ra.

Gida komertziala

Gida komertzialeko produktuak

Hizkuntza
Zerbitzu laborala
Kontenedoreak
Taxi zerbitzua
Etxeko izozkiak