Irailaren 7an Osakidetzak ohartarazi zuen faltsuak ziren sms-ak jasotzen ari zirela herritarrak eta kontuz ibiltzeko horiekin, iruzurra baitziren. Ondorengo mezuan ikus daitekeen moduan, telefonoan agertzen den lotura ez da Jaurlaritzaren webgune ofizial batekoa, eta hain justu hor dago egiazko eta gezurretako mezuak ezberdintzeko gakoa.
⚠️ Iruzurrezko mezu mota hauek ugaritu egin direla nabaritu dugu ⚠️
— Osakidetza (@osakidetzaEJGV) September 7, 2023
📌 #Osakidetza-k ez du horrelako mezurik bidali osasun-txartela deskargatzeko
ℹ️ Osasun txartel indibiduala: https://t.co/sbenFFRe4y pic.twitter.com/YrPIw4gbk7
Ondorengo mezua aldiz, azken asteotan herritarrek Eusko Jaurlaritzaren izenean jaso duten egiazko mezua da. Eta halaxe baieztatu dute Osakidetzatik ere. Loturak ikus daitekeen moduan Euskadi.eus-era bideratzen du, Jaurlaritzaren atari ofizialera. Bertan azaltzen da nola eskuratu OTI digitala.
Mezu guztiak ez dira fake! 💳 Hau da #Osakidetza-tik bidaltzen dugun mezu mota OTI Txartel Digitala deskargatzeko
— Osakidetza (@osakidetzaEJGV) October 6, 2023
🖥 Zalantzarik baduzu, ez egin klik estekan eta bilatu zuzenean informazioa https://t.co/FNpaNQblii helbidean pic.twitter.com/8r2Q3PvohO
NIK aplikazioa
Esan bezala, beraz, azken asteotako mezuak Osakidetzak bidalitakoak dira. Mezuen helburua OTI txartel digitalaren berri ematea da.
Prozesua jarraituz gero, eta euskadi.eus/oti-digitala atarian azaltzen den moduan, osasun txartel digitala eskuko telefonoan izateko NIK Patrika digitala aplikazioa deskargatu behar da. Aplikazio horren helburua orain arte plastikozko txartelean aurkezten diren egiaztagiriak telefono izatea da, horien artean osasun txartela.
Behin aplikazioa deskargatu eta erabiltzailea ziurtatuta, eskuko telefonoan egongo da txartela, behar denean erabiltzeko. Aplikazioan halaber, bestelako txartel digital batzuk ere izan ditzakegu.
