GARUN PARALISIAREN ALDEKO ALDARRIKAPEN HUNKIGARRIA

Pasa den asteazkenean, urriak 2an, arratsaldeko 14:30etan, Luis Ezeiza Herri Eskolako ikasle, familia eta irakasleak frontoian elkartu ginen Garun Paralisiaren eguna ospatu eta Denok Eskubide Berdinak ditugula aldarrikatzeko. Bertan, zuhaitz erraldoi bat irudikatu genuen. Ikasleak lurrean etzanda ahozpez jarri ziren eta "Emaiozu buelta" aurtengo lema entzutean, buelta eman eta hostoak azaldu ziren bertan eskubideak idatzirik zituztela. Haur Hezkuntzako ikasleek pankarta bat erakutsi zuten "Denok Eskubide Berdinak ditugu" jarrita zutela eta Lehen Hezkuntzako ikasle bakoitzak bere hostoan jarritako eskubidea aldarrikatu zuen. Gogoratu genuen, Garun Paralisia izan edo ez, betaurrekoak, altua izan edo ez, denok ditugula eskubide berdinak. Huheziko ikasleek lagundutako txalo zaparrada indartsu batekin eta eskolako dantza eta elkar besarkatuz amaitu genuen ekitaldi hunkarri hau.