Ciencia en acción nazioarteko zientzia lehiaketaren XIX. edizioa egin dute aurten, eta bertan lehiatu dira aranzaditarrak. Manu Arregi fisikari eta irakaslearen laguntzaz, Camera obscura proiektua aurkeztu dute Fisika erakustaldiak sailera. Keplerren diseinua duen kamera ilun erraldoia eraiki dute ikasleek, giza begiaren eta argazki kameraren funtzionamendua era ikusgarrian azaltzeko.
Saileko finalean sartu, eta Herrialde Katalanetan izan dira proiektua aurkezten. Harrera oso ona izan du bertaratutakoen artean, eta epaimahaiak ohorezko aipamena egin dio proiektuari.
Aranzadi Ikastolako ikasleek ohorezko aipamena lortu dute nazioarteko 'Ciencia en Acción' lehiaketan
Bederatzi herrialdetako 424 aurkeztu dira lehiaketara, horien artean Aranzadi Ikastolako batxilergoko ikasle talde baten "Camera obscura". Urriaren 5etik 7ra ospatu dute finala Bartzelonako Viladecans herrian, eta bergararrak ohorezko aipamerakin itzuli dira etxera.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
