goiena.eus

'Baserriko abenturak': 4 eta 10 urte bitarteko haurrentzako euskarazko jolasa

  Teknologia  Debagoiena

Mugikorrerako euskarazko aplikazioa da Baserriko abenturak eta Android gailuetan deskargatu daiteke. Baserritarrek egiten dituzten lanekin eta baserriko animaliekin lotutako jolas ezberdinak eskaintzen ditu: irudiak eta hitzak erlazionatu, puzzleak, egia-gezurra galderak, bikoteak bilatu, etab.

'Baserriko abenturak': 4 eta 10 urte bitarteko haurrentzako euskarazko jolasa
'Baserriko abenturak' jolasaren hasiera. | Ikusi handiago | Argazki originala

Baserriko abenturak doako jolasa da, guraso kontrola eskaintzen du -ustekabeko erosketak saihestuz- eta haurrek bakarrik zein gurasoen laguntzarekin jolasteko diseinatuta dago. Zazpi gune aurkituko ditu erabiltzaileak eta gune bakoitzeko jolasak gainditzen doan heinean puntuak lortzen joango da.

Haurrentzako aplikazioak euskaraz
Mugikor edo tableterako geroz eta euskarazko aplikazio gehiago aurki ditzakegu. Euskalapps webgunean adibidez, haurrentzako euskarazko aplikazioei eskainitako sail berezi bat daukate; bertan adin eta gustu guztietarako aplikazioak aurki daitezke.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa