Gmail, mezu elektroniko zerbitzua, gero eta gehiago erabiltzen da, bai erabilera pertsonalerako eta baita enpresa mailan. Eta Gmail-arekin batera Google Calendar askoren egutegi pertsonala bilakatu da. Calendar-ek aurrez konfiguratuta dauden egutegiak gehitzeko aukera ematen du, tartean kirol ezberdinetako taldeen partiduena.
Egutegi hauek gehitzea oso erraza da, Calendar barruan sartu eta “Beste egutegi batzuk” aukeratu behar da, horren barruan “Egutegi interesgarriak esploratu” eta bertan agertzen dira aukerako egutegi guztiak: Herrialde ezberdinetako jaiegunak, erlijioarekin lotutakoak, kirol ligak, eguzki orduak, etab.
Google-eko aplikazio askok euskarazko bertsioa eskaintzen badute ere, momentuz egutegia ezin da euskaraz konfiguratu.