Arrasateko desfilea 19:00etan hasiko da Zerkaosteta kalean, baina aurretik, 17:30ean, Iturbide egoitzara joango dira erregeak.
Bergarara Bizarzuri iritsiko da lehenengo; 17:00etan, jasoko ditu umeen gutunak udaletxe azpian. Eta erregeen desfilea 19:00etan abiatuko da Udal biltegitik.
Oñatin karrozekin datoz erregeak, lau aurten. 17:30ean abiatuko dira Kale Zaharretik eta ostean, umeei harrera egingo diete udaletxeko osoko bilkuren aretoan.
Aretxabaletako desfileak 18:30ean irtengo du Ibarra kiroldegitik eta Herriko Plazaraino joango da, han eta hemen geratu ostean umeek gutunak jasotzeko.
Eskoriatzan 18:00etarako izango dira herrian. Lehenengo zaharren egoitzara joango dira eta gero, 18:30ak aldera, kiroldegitik irtengo dute kalerik kale joateko Herriko Plazaraino.
