Irakurlea bera ere berriemaile Goienaren 'app' berrituarekin

Jon Berezibar 2014ko urr. 2a, 09:44

Eraldatuta eta aukera berriekin dator Goienaren mugikorretarako aplikazioa. Goienaren 'app' berrituak  irakurle eta herritarrentzako komunikazio tresna zuzen eta azkarra bihurtu gura du eta horretarako argazki, agur, kexa zein oharrak zuzenean Goienara bidaltzeko tresna  da. Android eta iOSen denda digitaletan eskura daiteke 'app'-a.

Batura Mobile enpresak Goienarekin batera garatu du aplikazio berria. Aurreko bertsio izanez gero, lehengo aplikazioa eguneratu besterik ez da egin behar, bestela, doan jaits daiteke sistema eragileari dagokion  denda digitaletik.

Aplikaizo berriak hainbat atal berri ditu:

  • Kexatu: Testu eta argazkien bitartez kexa eta salaketak egin daitezke, Goienak albiste bezala landu ala bere horretan argitara ditzan. Bai sarean zein peperezko Goienan bere lekua izango dute herritarrek egindako salaketek.
  • Txalotu: Ekimen ala gertaerak aupatzeko txokoa izango da. Kexetan bezela, Goienako hedabideetan ohiartzuna izango dute ataletik bidalitakoek.
  • Bidali argazkiak: Albisteak proposatu, irudiak bidali, zerbaiten berri eman... atal hau da bidea.
  • Oharrak bidali: Jakinarazpen, prentsa-ohar zein abisuen lekua da, Goienako kazetari eta arduradunekin zuzenean komunikatzeko.

Atal horiez gain aplikazioan GOIENA.EUS-en batutako azken berriak eta Gida, eskela eta Aurreztu.com-erako sarbideak ere badaude. Zuzeneko komunikaziorako Goienako e-posta, telefonoa eta Whatsapp zenbakia ere jasotzen dira.

Aplikazioaren eguneraketa honekin Goiena Komunikazio Taldeak irakurle eta herritarrengana are gehiago gerturatu gura du. Aplikazio honekin zuzenean parte hartzeko bideak eta erraztasunak eskaini gura ditu Goienak.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak