Debagoieneko ordezkari politikoek atzoko hauteskundeen balorazioa egin dute

 Debagoiena GAURKOAK

Atzoko hauteskundeen emaitzak eskuartean, Debagoieneko alderdietako ordezkariek horien gaineko balorazioak egin dituzte. Eskualde mailako emaitzei zein estatu mailakoei buruz aritu dira.

Debagoienean EH Bildu irabazle, EAJ bigarren eta Elkarrekin-Ahal Dugu hirugarren

 Debagoiena GAURKOAK

Boto kopuruan alderdi guztiek egin dute behera, baina Elkarrekin-Ahal Dugu izan da gutxien galdu duena: bi boto bakarrik galdu ditu eta hirugarren indar bozkatuena izan da. EH Bilduk, berriz, 1.232 boto galdu ditu, lehen indarra izaten segitzen duen arren; eta EAJri dagokionez, 817 boto gutxiago eskuratu ditu, bigarren indarra izan arren. 

PPri eman diote boto gehien Espainian

 Debagoiena

PPri eman diote boto gehien Espainian

PP izan da irabazle garbia Espainiako hauteskundeetan, gora egin du-eta, botoetan eta eserlekuetan, abenduko emaitzekiko. PSOEk eutsi egin dio sorpassoari, inkestek ziotenen kontrara, nahiz eta eserlekuak galdu. Unidos-Podemosek ez du esperotakoa lortu eta Ciudadanosek behera egin du.

Victoriano Gallastegi senatari

 Bergara  Debagoiena

Victoriano Gallastegi senatari

EAJk Gipuzkoan 2015eko abenduan lortu zituen hiru senatarietatik bat galdu duen arren, Victoriano Gallastegik (Bergara, 75 urte) eutsi egin dio eta errepikatu egin du. Honenbestez, Madrileko Senatuan izango da Bergarako alkate ohia.

Isabel Salud bergararra Kongresura

 Bergara  Debagoiena

Isabel Salud bergararra Kongresura

Isabel Salud bergararrak lortu du Espainiako Kongresurako txartela, Elkarrekin Ahal Duguk Gipuzkoan lortu dituen bi eserlekuetako bigarrena da-eta. Nagua Alba Ahal Duguko Euskadiko idazkari nagusiarekin batera ordezkatuko du zerrenda morea Gipuzkoatik, Madrilen.

Gipuzkoan, marea morea garaile

 Debagoiena

Gipuzkoan, marea morea garaile

Elkarrekin-Ahal Dugu koalizioak eutsi egin dio abenduan eskuratu zuen nagusitasunari Gipuzkoan, eta lehen indarra da, bigarrenarekiko 18.853 botoko aldearekin, eta hirugarren indarrarekiko 34.083 botoko aldearekin. 103.523 boto eskuratu ditu Elkarrekin-Ahal Dugu koalizioak (%28,54). EAJk, berriz, 84.670 (%23,34) eta EH Bilduk, 69.440 boto (%19,14). Hori bai, Gipuzkoatik aurkeztu diren alderdi guztien artean, PP izan da botoak irabazi dituen bakarra, 34.914 botorekin (%9,63). 

EAJren aurretik jarri eta Elkarrekin-Ahal Dugu gailendu da Bizkaian

 Debagoiena

EAJren aurretik jarri eta Elkarrekin-Ahal Dugu gailendu da Bizkaian

Abenduko joerarekin segi eta Elkarrekin-Ahal Dugu koalizioak lortu du nagusitasuna Bizkaian, jeltzaleek berezkoa izan duten lurraldean. Hala ere, bototan behera egin du koalizio moreak; jakina, lehen lekua galdu duten jeltzaleek ere bai. Gora egin dute, berriz, sozialistek eta PPk. 

Botoetan gora eginda, UPN-PP nagusi Nafarroan

 Debagoiena

Botoetan gora eginda, UPN-PP nagusi Nafarroan

Nafarroan garaile izatea lortzeaz gainera, bototan gora egitea lortu du, baita ere, UPN-PP koalizioa. Haren ondoren geratu da Unidos Podemos koalizioa, abendutik boto batzuk galduta, eta hirugarren indarra izan da PSOE, kasu honetan, 3.000 boto inguru irabazita. EH Bildu geratu da laugarren lekuan 3.000 boto pasa galduta.  

Botoetan behera egin arren, Elkarrekin-Ahal Dugu lehen indarra Araban

 Debagoiena

Botoetan behera egin arren, Elkarrekin-Ahal Dugu lehen indarra Araban

Boto kopuruan behera egin arren, koalizio morea izan da indar bozkatuena 55.227 botorekin (%30,87). PPk bigarren indarra izaten jarraitzen du 34.162 botorekin (%20,44), eta EAJ ozta-ozta eutsi dio hirugarren postuari. Jeltzaleek 26.671 boto lortu dituzte (%15,95) eta sozialistek, 26.353 (%15,76). EH Bilduk izan du beherakada nabarmenena: 15.841 boto lortu ditu (%9,48), abenduan baino ia 5.400 gutxiago.

Arrasaten Elkarrekin-Ahal Duguk segitzen du lehen indarra izaten

 Arrasate

Arrasaten Elkarrekin-Ahal Duguk segitzen du lehen indarra izaten

Azken unera arte lehia bizia izan da Arrasaten, bigarren eta hirugarren indarraren artean boto alde txikia izan dute-eta. Kontuak kontu, azkenean EH Bilduk segitzen du izaten hirugarren indarra, EAJrekiko 25 boto eskaseko aldearekin. Lehena, berriz, abenduan ezustekoa eman zuen Podemosen oinordeko Elkarrekin-Ahal Dugu. Datuak: Elkarrekin-Ahal Dugu: 3.161 (%28,74); EAJ: 2.655 (%24,14); EH Bildu: 2.630 (%23,92); PSE-EE: 1.488 (%13,53) eta PP: 710 (%6,46). 

Oñatin, EH Bilduk eskuratu ditu boto gehien

 Oñati

Oñatin, EH Bilduk eskuratu ditu boto gehien

EH Bilduk segitzen du Oñatin lehen indarra izaten, EAJ eta Elkarrekin Ahal Dugu atzetik dituela. Hala ere, nabarmena da abenduko datuekiko izan duen boto galera. Hona zenbakiak: EH Bildu: 1.971 (%33,66); EAJ: 1.899 (%32,43); Elkarrekin-Ahal Dugu: 1.296 (%22,13); eta ondoren, boto alde handiagoarekin datoz sozialistak: 370 botorekin (%6,32). PPk emaitza berbera atera du: 215 (%3,67).

Antzuolan EH Bilduk errepikatu du

 Antzuola

Antzuolan EH Bilduk errepikatu du

469; horiexek izan dira EH Bilduk Antzuolan eskuratu dituen botoak (%38,76). Nahikoa urrun dauka EAJ, 320 botorekin (%26,45). Eta ondoren dator Elkarrekin-Ahal Dugu: 264 botorekin (%21,82). Laugarren indarra da, berriz, alderdi sozialista: 105 botorekin (%8,68). 

Aramaion EH Bilduk segitzen du lehen indar modura

 Aramaio

Aramaion EH Bilduk segitzen du lehen indar modura

Aramaion ezusteko barik bukatu da hauteskunde gaua eta segitzen du garaile izaten EH Bilduk. Hona datuak: 317 (%40,96), EAJ: 222 (%28,68), Elkarrekin-Ahal Dugu: 197 (%25,45). PP, 13 (%1,68); PSOE: 12 (%1,55) eta Ciudadanos, 1 (%0,13).  

Abendukoa aldatu, eta oraingoan EAJk irabazi du Bergaran

 Bergara

Abendukoa aldatu, eta oraingoan EAJk irabazi du Bergaran

Bederatzi botogatik besterik ez, baina abenduko botoak aldatu egin dira Bergaran, ze oraingo honetan EAJk eskuratu ditu boto gehien. Hona datuak:  EAJ 2.270 (%28,68); EH Bildu 2.261 (%28,57); Elkarrekin-Ahal Dugu. 2.157 (%27,26); PSE-EE 702 (%8,87); PP: 351 (%4,44) eta Ciudadanos: 87 (%1,10).

EAJk eutsi egin dio Aretxabaletan

 Aretxabaleta

EAJk eutsi egin dio Aretxabaletan

Aldaketa eman da Aretxabaletan, abenduko datuekiko. Izan ere, EAJk lehen indarra izaten segitzen duen arren, gutxigatik, baina EH Bilduk bigarren lekua galdu egin du, Elkarrekin Ahal Dugu koalizioaren mesedetan. Hona datuak: EAJ: 1.021 (%28,53); Elkarrekin Ahal Dugu. 1.009 (%28,19); EH Bildu: 913 (%25,51); PSE-EE: 365 (%10,20).

Ezustekoa: Elkarrekin Ahal Dugu nagusitu da Eskoriatzan

 Eskoriatza

Ezustekoa: Elkarrekin Ahal Dugu nagusitu da Eskoriatzan

Abenduan garaile izan zen EAJri puntu eskas bat ere atera ez arren, Elkarrekin Ahal Duguk eskuratu ditu boto gehien Eskoriatzan. Eta EH Bildu hirugarren indarra izatera pasa da. Hona datuak: Elkarrekin Ahal Dugu: 546 (%27,11); EAJ 534 (%26,51); EH Bildu: 500 (%24,83); PSE-EE: 287 (%14,25); PP: 80 (%3,97) eta Ciudadanos: 29 (%1,44). 

Elgetan EH Bilduk errepikatu egin du

 Elgeta

Elgetan EH Bilduk errepikatu egin du

Elgetan EH Bilduk eskuratu ditu boto gehien. Datuak: EH Bildu: 214 (%35,73); EAJ: 188 (%31,39); Elkarrekin Ahal Dugu: 148 (%24,71). PSE-EE: 24 (%4,01); PP: 15 (%2,50) eta Ciudadanos: 4 (%0,67). Lehen bi alderdiek jaitsi egin dituzte boto kopuruak; Elkarrekin Ahal Duguk, berriz, gora egin du. 

Berriro ere, EH Bildu

 Leintz Gatzaga

Berriro ere, EH Bildu

Abenduko emaitza errepikatu egin da, nahiz eta zenbakiak desberdinak izan. Hori horrela, EH Bilduk segitzen du lehen indarra izaten Leintz Gatzagan, eta bigarren geratu da EAJ. Hona datuak: EH Bildu: 63 (%46,67); EAJ: 39 (%28,89); Elkarrekin Ahal Dugu: 30 (%22,22). 

Hauteskundeetako parte-hartzea, abendukoaren berdina ia: %36,87

 Debagoiena

Horrela eman du jakitera Espainiako Gobernuak. Gaurko 14:00etan %36,87koa izan da parte-hartzea, eta abenduan ordu berean %36,91 zen. Parte-hartzea jaitsi den tokien artean daude EAE eta Nafarroa. 20:00etan itxiko dituzte hauteslekuak. Arrasaten galdekatutakoen artean, aldaketa gogoa, baina itxaropen handirik ez askok.

Normaltasuna hauteslekuen irekieran

 Debagoiena

Normaltasuna hauteslekuen irekieran

Espainiako Gorteetarako hauteskunde egunean, normaltasunez ireki dituzte Debagoieneko hauteslekuak –Segurtasun Sailak emandako informazioaren arabera–, eta 09:00etatik hasi da jendearen joan-etorria.

50.000 debagoiendar inguru daude deituta domekan botoa ematera

 Debagoiena GAURKOAK

Eskualdeko bizilagunen boto joera lar aldatuko ez den arren, iritzi horretan eragina izango dute, besteak beste, sei hilabete hauetan alderdiek erakutsitako jarrerek eta diskurtsoek.

Beitialarrangoitia: "Euskal herritarron ongizatea ere dago jokoan"

 Debagoiena GAURKOAK

Domekan, hilaren 26an, Espainiako Gorteak aukeratzeko egingo diren hauteskundeei begira EH Bilduko Marian Beitialarrangoitia Gipuzkoatik Kongresurako hautagaia izan da Goienan.

Joseba Agirretxea: "Euskadiko interesak Madrilen defendatu ditugun bakarrak gara"

 Debagoiena GAURKOAK

Domekan, hilaren 26an, Espainiako Gorteak aukeratzeko egingo diren hauteskundeei begira EAJko Joseba Agirretxea Gipuzkoatik Kongresurako hautagaia izan da Goienan.

Joseba Agirretxea Arrasaten eta Aretxabaletan izan da, kanpainaren bukaera honetan

 Aretxabaleta  Arrasate  Debagoiena

Joseba Agirretxea Arrasaten eta Aretxabaletan izan da, kanpainaren bukaera honetan

Kongresurako EAJren hautagaia Arrasaten izan da gaur goizean, Gazteak eta Hezkuntza gaiaren testuinguruan. Ondoren, Aretxabaletara joatekoa zen, propaganda banatzera.

Eneko Andueza: "Aldaketa bermatzen duen alderdi bakarra gara"

 Debagoiena GAURKOAK

Domekan, hilaren 26an, Espainiako Gorteak aukeratzeko egingo diren hauteskundeei begira PSEko Kongresurako zerrenda-kide Eneko Andueza izan da Goiena Telebistan.

Euren alde bozkatzea "euskararen alde" botoa ematea dela dio Elkarrekin Ahal Duguk

 Arrasate  Debagoiena GAURKOAK

Guk ere euskaraz elkarrekin ahal dugu lelopean agerraldia egin du Elkarrekin Ahal Duguk Arrasaten. "Euskara sustatu eta babestu" behar dela adierazi du bertan koalizioak.

Beitialarrangoitia: "Gaiaren arabera denekin hitz egin eta ahal denean elkarlanean aritzera goaz Madrilera"

 Bergara  Debagoiena GAURKOAK

Herritarren galderei erantzun diete Bergaran Gipuzkoatik EH Bilduren Kongresurako zerrendaburu Marian Beitialarraingoitiak, zerrendan hirugarrena den Aitzol Cajaravillek eta Josu Juaristi eurodiputatuak.

Aldaketa bermatzen duen bakarra alderdi sozialista dela esan dute sozialistek Arrasaten

 Arrasate  Debagoiena

Alderdi sozialistako kideak Arrasaten izan dira bariku goizean. Kongresurako zerrendan bigarrena den Rafaela Romero buru zutela ibili dira merkatuan, larrosak eta propaganda banatzen eta botoa eskatzen.  

Joseba Egibar: "Ez ginen eta ez gara makurtuta bizitzeko jaio"

 Bergara  Debagoiena GAURKOAK

Atzo Bergaran egindako mitinean, Gipuzkoa Buru Batzarreko presidenteak nabarmendu zuen oraindik Espainiarekiko dependentzia handia dagoela eta geroz eta dependentzia gutxiago eduki, orduan eta askeago izaten dela bat.

Alderdi politikoek ekitaldi ugari antolatu dituzte Debagoienean

 Debagoiena

Gaur EAJren txanda izango da ibarreko hainbat tokitan, eta ondoren, Bergaran mitin nagusia egingo dute jeltzaleek. EH Bilduk bihar eta etzi egingo ditu ekitaldiak, Bergaran, eta PSE-EEko Rafaela Romero hautagaia bihar egongo da, Arrasaten.

Uarkapen botoa ematen duten arrasatearrak Ferixalekura joan beharko dira ekainaren 26an

 Arrasate

Uarkapen botoa ematen duten arrasatearrak Ferixalekura joan beharko dira ekainaren 26an

Ekainaren 26an Uarkapen pilotari profesionalen jaialdia dagoela-eta, pilotalekuan bozkatu ohi duten arrasatearrek ondoan dagoen eraikinera, Ferlxalekura (Arizmendi Ikastola), joan beharko dira botoa ematera.

Odon Elorza: "Gutxienez 10.000 herritarrei eskua emango diet, Gipuzkoarekiko konpromiso moduan"

 Arrasate  Debagoiena GAURKOAK

Goizean, alderdiko hainbat kide izan dira Arrasateko azoka txikian egindako ekitaldian, besteak beste, Odon Elorza, Eneko Andueza, Oscar Garcia eta Iñaki Arriola.

Hasi da hauteskunde kanpaina

 Debagoiena GAURKOAK

Gauerdian hasi da Espainiako Gorteetarako hauteskunde kanpaina, ekainaren 24ko gauerdira arte luzatuko dena. Bitarte horretan alderdi politikoek herritarrei aurkeztuko dizkiete Espainiako Kongresurako eta Senaturako hautagaitzak eta programak.

EH Bildu, EAJ eta Ahal Dugu indar nagusiak joan zen abenduko hauteskundeetan Debagoienean

 Debagoiena

EH Bildu, EAJ eta Ahal Dugu indar nagusiak joan zen abenduko hauteskundeetan Debagoienean

EH Bildu lehen indarra izan zen Debagoienean joan zen abenduko Espainiako Gorteetarako hauteskundeetan, 2011ko hauteskundeekiko behera nabarmen egin arren; EAJk gora egin zuen, bigarren indarra izanik, eta Ahal Duguk ia 8.000 boto jaso zituen, indartsu sartuz. Hemen hauteskunde hartako emaitzak.

Elkarrizketak hautagaiei Goienan

 Debagoiena

Elkarrizketak hautagaiei Goienan

Goienak elkarrizketa bereziak egingo dizkie eskualdean ordezkatuta dauden alderdietako Gipuzkoako zerrendetako kideei. EH Bildu, EAJ, Elkarrekin Ahal Dugu eta PSE-EEkoei, hain justu ere: Marian Beitialarrangoitia, Joseba Agirretxea eta Nagua Alba zerrendaburuei, eta Eneko Andueza PSE-EEko zerrendan doanari.

Bergarako EH Bilduk ekitaldi batekin emango dio hasiera hauteskunde kanpainari

 Bergara

Irizar parke ondoan egokitu duten lokalean elkartuko dira EH Bildu zaleak gaur iluntzean, hauteskunde kanpainari hasiera emateko. Lunch batekin egingo dute kanpainaren hasiera ekitaldia. Ondoren, gaueko 22:00etan hasita, EH Bilgunean elkartu eta kartelak paneletan jartzen hasiko gara. Aukerak zabaltzen goaz, panelak kolorez janztera goaz diote Bergarako EH Bildutik.

Marian Beitialarrangoitia Eltzian izan da, pentsioez eta ekimen sozialaz hitz egiten

 Oñati GAURKOAK

EH Bilduko kongresurako hautagaia Eltzian izan zen atzo, Oñatiko erretiratuen eskaera onartuta. Legebiltzarrean aurrera eramandako ekimen sozialen, eta batez ere, pentsioak osagarritzeko prestatutako lege proposamenaren gainean jardun zuen, bertaratutakoekin solasaldi bat eginez.

Kanpainako irekiera ekitaldia egingo du eguenean EH Bilduk

 Bergara

Ekainaren 26ko hauteskundeetara begira, kanpainaren irekiera ekitaldia egingo du EH Bilduk eguenean. 20:00etan izango da, Irizar parkean, EH bilgunearen ondoan. Ondoren luntxa egingo dute.

Posta bidezko bozka eska daiteke Aretxabaletako batzokian

 Aretxabaleta

Aretxabaletako EAJko kideek jakinarazi dute ekainaren 26ko hauteskunde orokorretan bozka ematera joan ezin duenak posta bidezkoa eska dezakeela batzokian, ekainaren 6tik 14ra bitartean.

Arnaldo Otegik herritarren galderak erantzun ditu Arrasaten

 Arrasate

Hobetzeko entzuten zikloaren azken hitzordua izan da gaurkoa. Ikuslez inguraturik, jendearen galderak erantzuten aritu da Arnaldo Otegi, EH Bilduko bost ordezkariren laguntzarekin. 500 lagun inguru batu dira entzuketa ariketa bertatik bertara ikustera Uarkapera.

Izendatuta daude ekainaren 26ko hauteskunde egunean mahaian egotera deituak diren herritarrak

 Elgeta

Izendatuta daude ekainaren 26ko hauteskunde egunean mahaian egotera deituak diren herritarrak

Programa informatiko bidez egin zuen Udalak zozketa martitzenean.

Bergarako EAJk lokal berria zabaldu du Ibargarai kalean

  Hauteskundeak  Bergara GAURKOAK

Batzokia erre ostean, datozen hauteskundeetarako lokal berri baten beharra sumatu zuten. Atzo, martitzena, egin zuten inaugurazio ekitaldia. Bailarako alkate eta zinegotzi jeltzaleez gain, bertan izan ziren Joseba Egibar GBBko presidentea, eta Gipuzkoako kongresurako eta senaturako hautagaiak ere.

Ekainaren 26ko hauteskunde orokorretako hautesle zerrenda ikusgai dago udaletxean

 Aramaio

Hautesle errolda ikusgai dago udaletxean maiatzaren 16ra arte, udal bulegoko ordutegian. Erreklamaziorik egitea nahi izanez gero epe horren barruan egin beharko dira. Hauteskunde prozesuari buruzko informazioa gehiago 901 101 900 telefono zenbakian edo www.ine.es atarian ikus daiteke.