12 urtetik gorako edonork hartu dezakete parte lelo lehiaketan bakarka edo taldeka eta gehienez ere hiru lelo aurkeztu ditzake talde edo norbanako bakoitzak. Parte-hartzaileek Aramaioko San Martin jaien inguruko mezu bat bidali beharko dute esaldi batean euskaraz eta leloak urtez urte erabiltzeko aukera eman behar duela jasota dago oinarrietan. Horrekin batera, ezin izango dira aurkeztu aurretik beste lehiaketa batzuetan sarituak izan diren leloak.
Egindako lanak udaletxean edo itxasokultura@gorbeialdea.eus helbide elektronikora bidalita aurkeztu behar dira apirilaren 16a baino lehen. Sari bakarra egongo da eta irabazleak 100 euro irabaziko ditu.