Cielito lindo, Mexico lindo y querido, El rey, Guadalajara, Caballo prieto azabache... Antzuolako plazan mariatxiak entzuteko gaur elkartutakoen artean inor gutxirendako ziren ezezagunak Tierra de mis amores mariatxi taldeak eskainitako piezak.
Mexiko iparraldeko Guanajuato eskualdeko musikariek maila eman dute instrumentuekin eta baita ere ahotsekin. Lagun izan dituzte bi dantzari ere. Makina bat aldiz aldatu dute arropa eta jantzi zein dantza erakustaldi polita eskaini dute. Taldeko kideen azalpenekin lagunduta, Mexikoko eskualde desberdinetako berezitasunak ezagutzeko aukera izan da gaur Antzuolan.
Musikariak ere behin baino gehiagotan jaitsi dira publiko artera kantuan egitera. Mikrofonoa ere luzatu dute behin baino gehiagotan, eta antzuolarrak kantuan egin dute.
Eskainitako kantuen artean izan da bere egunean Pedrito Fernandezek ezagun egin zuen La de la mochila azul kantua. Hori duzue ikusgai bideoan.
