Hezkuntza Legeari buruzko tertulia saioa antolatu du Astintzen taldeak etzirako. Herri akordiotik Hezkuntza Legera. Zer gertatu da? Nondik jo? izango du izenburua hitzaldiak. Hezkuntza Legearen baitan eta herri akordioaren prozesuan zehar "izan diren argi-ilunak azaleratzea eta etorkizuneko erronkak finkatzea" izango da saioaren helburua. Tertuliakideak bi izango dira: Olatz Egiguren –Sortuko herrigintza idazkaria eta euskal hezkuntzagintzan aritutakoa– eta Ikoitz Arrese –EHBilduko hezkuntza idazkaria eta legebiltzarkidea, ikasle mugimenduan zein hezkuntza mugimenduan aritutakoa eta azken urteetan Hezkuntza Legearen prozesuan ibilia–.
Saioa otsailaren 7an da, 19:00etan, Oñatiko zinema aretoan.