Gizonezkoetan Aitor Mimenzak nagusitasunez irabazi du lasterketa. Hasieratik erritmo bizia jarri du, eta aurkariek ezin izan dute berak ezarritako erritmo altua jarraitu. Helmugan, bigarren eta hirugarren Oxel Sanchez eta Ander Agirre izan dira, eta biek eskutik helduta zeharkatu dute marra. Oñatiar onena Iñaki Arriaran izan da.
Emakumeei dagokionez, Maite Etxezarreta azpeitiarra izan da azkarrena Marisol Ramos oñatiarraren aurretik. Etxezarretak erritmo bizia jarri du, eta nahiz eta Ramosek ia une oro ikusi duen lasterketan zehar, aise gailendu da. Hirugarren Atxondoko Garazi San Pedro izan da. Oñatiar onenaren saria, gainera, Amaia Bernalek irabazi du, Marisol Ramosek podiumean bukatu baitu.
