Fan Hemendik eguna ekainaren 17an izango da, aurten ere ekitaldiz josita dator

Itziar Larrañaga Sarasola 2017ko mai. 25a, 18:17

Fan Hemendik eguna, Guardia Zibilak eta indar polizialak herritik alde egiteko aldarrikapena egiteko eguna, ekainaren 17an izango da. Hainbat ekitaldi egongo dira egun osoan zehar; bake artisauen azoka, poteoa, herri bazkaria, manifestazioa eta eguna amaitzeko kontzertuak.

2016an Pikoletuak izeneko hiru ataletako bideo arrakastatsuekin girotu zituzten Fan Hemendik egunaren aurreko asteak. Aurtengoan ere, beste bideo bat sortu dute egunaren berri emateko.

Antolatzaileek "Euskal Herri osoa" gonbidatu nahi izan dute Oñatira etorri daitezen. Modu honetan egin dute Fan Hemendik eguneko kideek ekainaren 17rako deialdia: "Apirilak 8an ETAk bere armak herriari itzuli ondoren, Guardia Zibilaren txanda iritsi da. Ekainaren 17an, Oñatin, Fan Hemendik egunaren baitan, Guardia Zibila armagabetuko da. Euskal Herriak horrenbeste desira duen ekimen hau ondo egiten dela ziurtatzeko Nazioarteko Egiaztatze Batzordeko kidea Ram Mannikkalingam Oñatin egongo da. Hainbat iturriren arabera, indar okupatzaileek Euskal Herritarrak torturatzeko eta erailtzeko erabili dituzten fusilak, bainerak, elektrodoak, poltsak edota kare bizia entregatuko dituzte".

Egitarauren kartela

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak