goiena.eus

Badator Ganbara Txikiren 'Pinotxo, hariekin lotu gabe'

  Kultura  Oñati

Ekainaren 16an eta 17an Zubikoa kiroldegian eskainiko dute; sarrerak 12 eurotan eros daitezke Txokolateixan.

Badator Ganbara Txikiren 'Pinotxo, hariekin lotu gabe'
'Pinotxo, hariekin lotu gabe' ikuskizunaren entsegu bat. | Ikusi handiago | Argazki originala

Musika, antzerkia, ikus-entzunezkoak, argi jokoak..., horiek guztiak batzen ditu Ganbara Txiki abesbatzak ekainaren 17an  estreinatuko duen Pinotxo, hariekin lotu gabe musikalak.

Bi ordu eta erdiko iraupena du egurrezko panpina ezaguna protagonista duen istorioaren euskarazko moldaketak. "Guk sortu dugun proiektua da, hortaz, eskainiko duguna, ikuskizun berria da. Oraingoan ere, sekulako lan-taldea ari gara lanean: aktore eta abeslari lanetan, 35 lagun; eta bestelako lanetan ari direnak kontuan hartuta, 75 kide gara guztira", dio Ganbara Txikiko zuzendari Aitor Biainek.

Hiru emanaldi eskainiko dituzte: ekainaren 16an, egubakoitza, 18:30ean eta hurrengo egunean, 11:30ean eta 18:30ean. Sarrerak 12 eurotan eskura daitezke maiatzaren 30era bitartean –hortik aurrera, 15 eurotan– Txokolateixan eta Sacatuentrada.es atarian.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa