goiena.eus

Ekaitz Zilarmendi eta Eli Garmendiaren erakusketak ikusgai ARGI festibalean

  Kultura  Oñati

Ekaitz Zilarmendi aretxabaletarrak eta Eli Garmendia tolosarrak erakusketa bana inauguratu zituzten atzo, apirilak 30, Oñatiko kultur etxean. Ilunpetan argazki taldeak antolatutako ARGI festibalaren barruan daude biak ala biak eta maiatzaren 14a arte izango dira ikusgai.

Sistemak izenarekin, besteak beste, kintoei eskainitako bilduma jaso du Zilarmendik. Horretarako hamar bat urtetan egin die jarraipena herriko Santa Ageda neska-mutikoei.

Garmendiak, ostera, El Bosque Dormido (Lokartutako Basoa) ekarri du kultur etxera. Egoera mental eta fisikoa dela dio, "jatorrira itzultzea, kanpokoa basatiegia denean babesteko lekua".

Bernat Alberdiren Oñatiarrak

Bernat Alberdi bilbotarraren erakusketa ere abian da gaurtik; Oñatiarrak. Kanpotik Oñatira bizi izatera etorri diren horiek ikusarazi gura ditu argazkiekin. ARGI festibalerako bereziki prestatutako erakusketa da eta Antixena parkean eta Gaztetxean egongo da ikusgai maiatzaren 14a bitartean.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa