goiena.eus

Oñatiko turismoa bultzatzeko bideoak egingo dituzte

  Ekonomia  Oñati

Oñatiri buruzko hainbat bideo egingo dituzte turismoaren eskaintza indartzeko. Hauetako batzuk tematikoak izango dira: kultura, historia, industria, natura. etab, eta beste batzuk Oñatin zehar egiteko ibilbideak jasoko dituzte. Hiru hizkuntzatan egingo dira. 

Oñatiko turismoa bultzatzeko bideoak egingo dituzte
Bideo batzuk tematikoak izango dira | Ikusi handiago | Argazki originala

Bideoak Arrasateko Dragoi produkzioak izeneko enpresak egingo ditu. Hauek dira egitasmo honekin udalak dituen helburuak:

  • Oñati herriaren ikuspegi berritzailea eta interesgarria ematea.
  • Oñati herriaren turismoari “input” bat egitea. Hau da, bere eskaintza indartzea kontuan hartuta bere marka dagoeneko ezaguna dela.
  • Bizi garen garaiko dokumentua izatea. Oraingo belaunaldietarako informazio garrantzitsua izango dueña eta geroko belaunaldietarako dokumentu historikoa bihurtuko dena
  • Oñati kanpoko bidaiariak erakartzeko tresna egokia izatea. Beraz, turismoa sustatzeko eta bisitariak erakartzeko oso baliagarria izatea.
  • Oñati izenari balio erantsia ematea. Oñatiko enpresentzat mesedegarria eta orokorrean Oñati herriarentzat aurkezpen txartel gisa erabilgarria.

Bideoak hiru hizkuntzatan egingo dira (euskara, gaztelania, ingelesa)

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa