goiena.eus

Abel Barriolak Oñatin azkenekoz jokatuko duen partidua barikuan

  Kirola  Oñati

Oñatin jokatuko duen azken partidua izango da Abel Barriolarendako egubakoitzekoa. Jokin Altunarendako, berriz, profesional moduan jokatuko duen lehena. Elkarrekin jokatu dute Merino eta Ezkurdiaren kontra. Sarrerak salgai daude Izarraitz, Aloña Mendi, Izarraitz eta Arrano tabernetan eta Txokolateixian. Partidua Oñatiko Zubikoa kiroldegian izango da, 22:00etan.

Abel Barriolak Oñatin azkenekoz jokatuko duen partidua barikuan
Abel Barriola (Argazkia: aspepelota.com) | Ikusi handiago | Argazki originala

Abel Barriola eta Jokin Altuna pilotariek Merino II eta Ezkurdia izango dituzte arerio egubakoitzean Zubikoa kiroldegian jokatuko duten partidua. Partidu berezia izango da. Batetik, Barriolak Oñatin jokatuko duen azken partidua izango delako eta Altunarendako, berriz, profesional moduan Oñatin jokatuko duen lehena. Bestetik, Aloña Mendiren pilota sailaren 50. urteurrenaren barruan sartzen dela. Ekitaldi bat baino gehiago egingo dituzte urteurren hori ospatzeko eta hau izango da lehenengoa.

Partidu honen aurretik, promozioko binakako finalerdia jokatuko dute Arteagak eta Erasunek osatuko duten bikoteak Laso eta Iturriagaren kontra.

Sarrerak

Partidua ikusteko sarrerak dagoeneko salgai daude Izarraitz, Aloña Mendi, Izarraitz eta Arrano tabernetan eta Txokolateixian.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa