goiena.eus

Kontzertu ederra amaiera konplikatuarekin

  Kultura  Oñati

300 lagunetik gora batu ziren atzo, eguena, Oñatiko gaztelekuan GBH eta The Friday´s Crew taldearen emanaldiaz gozatzeko. Antolatzaileak gustura daude publikoaren aldetik izandako harrerarekin eta baita taldeek izan zuten jarrerarekin ere. Zoritxarrez, baina, ezin bukaera borobila eman emanaldiari GBH-ko bateria-joleak istripu txiki bat izan zuelako.

Kontzertu ederra amaiera konplikatuarekin
GBH taldea Oñatiko gaztelekuan, atzo, eguena. | Ikusi handiago | Argazki originala

"Ederra izan zen atzokoa. The Friday's Crew taldearen zuzenekoa oso indartsua izan zen. Publikoa positiboki harritu zuten. GBHk ere dena eman zuen bertan, eta esango nuke jendea oso oso gustura egon zela. Bukaeran GBH taldeko bateria-jolea jausi egin zen oholtzatik jaisterakoan eta mina hartu zuen; horregatik, ezin izan zuten bis-ik eman. Arrasateko ospitaleko urgentziatara eraman genuen; bost puntu eman zizkioten gerrian. Zorionez, baina, arazo barik jaraitu ahal izango dute birarekin. Gaur, egubakoitza, Madrilen joko dute", kontatu du Ion Lopez, Oñatiko Gaztelekuko teknikariak.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa