Hainbat idazle omenduko dituzte Olaitturriko kideek 'Lantzean behin' antzezlanarekin

Mirari Altube Arrese 2016ko ira. 9a, 11:07

Oñatiko Olaitturri kultur elkarteko kideek Lantzen behin antzezlana estreinatuko dute irailaren 24an. Oñatin euskarari ordu asko eskaini izan dioten hainbat lagun omendu gura dituzte hamasei zati dituen antzezlanarekin.

"Isilean lan asko egin zuten idazleei omenaldi txiki bat da", jakinarazi du Iñazio Irizarrek, antzezlanaren egileak eta zuzendariak. Hala, hainbat idazle eta musikariren berri emango dute, hala nola, Txomin Agirre, Luis Villasante, Antonino Ibarrondo, Bitoriano Gandiaga, Ruper Ordorika eta Jerardo Elortzaren berri.

Errezitaldiak, kantak eta ipuinak

Idazleen gaineko kontuak, errezitaldiekin, kantuekin eta ipuinekin tartekatuko dituzte.

Zortzi errezitaldi izango dira, guztiak Arantzazuko frantziskotarrenak: Kandido Izagirrerenak bi, Salbatore Mitxelenarenak hiru, Bitoriano Gandiagarenak, bi eta Pello Zabalarena bat. Eta sei abesti kantatuko dituzte: bi Antonino Ibarrondorenak, beste bi Joxe Mari Anduagarenak, bat Inaxio Ibarrondorena eta beste bat Ruper Ordorikarena. Ganbara Abesbatzak eta Jose de Azpiazu musika eskolako kideek eta Parrokiako Koralak egingo diete lagun abestiotan.

Hiru ipuin ere kontatuko dituzte, hirurak Oñatirekin zerikusiren bat dutenak: Manuel Umerezena bata, Villasanterena bestea eta hirugarrena Jerardo Elortzarena. Eta sei eszena ere bai; hiru Agirreren Garoa eleberrikoak eta beste hirurak Iñaxio Irizarrenak.

Sarrerak salgai

Irailaren 24an estreinatuko dute antzezlana Santa Ana antzokian eta emanaldi bi egingo dituzte: 19:30ean eta 22:30ean. Sarrerak dagoeneko salgai dituzte Txokolateixan bost eurotan. Sarrerarekin batera liburu bat oparituko dute.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak