Elorregiko auto istripuan larri zauritutakoa Gasteizko Santiago ospitalera eroan dute

Larri zaurituta Gasteizko Santiago ospitalera eroan zuten atzo Oñatin, Elorregiko bidegurutzetik gertu, auto istripua izan zuen gizonezkoa. Bi autok, hain justu ere, Opel Movano furgoneta batek eta Nissan Micra auto batek, aurrez aurre elkar jo zuten 17:45 aldera. Ondorioz, autoko gidaria burdin artean harrapatuta geratu zen eta suhiltzaileek atera behar izan zuten. Istripuaren ondorioz, itxita egon zen Elorregiko bidegurutzetik Oñatirako bidea bi noranzkoetan eta 19:15ak aldera erabat zabalik geratu zen.