Urgaingo ikastetxe guztien (Txiki Txoko, Errekalde, Larraña eta Zuazola Institutuak) topagune izateko asmoz sortu da Urgain eguna. Goizean zehar, neska-mutiko askok eta askok egin dute ikastetxeak antolatutako ibilbidea. Hain zuzen ere, ibilbide horrek, Urgain osatzen duten zentro guztiak batu ditu. Une honetan, bazkaltzeko elkartu dira parte hartzaile guztiak, Zuazola Institutuko aurrealdean.
Plazan batu dira goizeko hamaiketan eta handik, San Martin auzoa zeharkatuz, Txiki Txokoraino joan dira. Larraña auzotik, ondoren, Errekalderaino eta handik Zuazola Institutura. Bazkaritarako 240 lagun inguru batu dira; ikasle, ikasle ohi, irakasle eta gurasoak eta une honetan jolasak egin dihardute. Aurretik, DBHko hirugarren mailako ikasleek, Mokli eta Poki antzezlana egin dute. DJa egongo da ondoren.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.