Denboraldirako gertu
Omenaldiaren ondoren Aloña Mendik Bakioren kontra jokatu zuen aurredenboraldiko partidu honek, balio izan zuen berehalakoan hasiko den denboraldiari begira ipintzeko. "Entrenamenduetan lantzen ditugun kontzeptuak eta abar zenbateraino barneratu diren eta horiek balio duten ala ez ikusteko oso garrantzitsua izan da gaurko partidua" zioen Aloñako entrenatzaile Andoni Azkargotak partiduaren bukaeran. Gaineratu zuen, ez zirela gaizki jardun eta nahiz eta oraindik asko dagoen egiteko, taldea nahiko txukun ikusi zuela.
Izan ere aldaketa handiak egon dira taldean. Zazpi jokalari joan egin dira eta gazte mailatik bederatzi berri sartu dira taldera. Noski, aldaketa horiek guztiek lan handia eskatzen dute talde bat berriz ere egonkortuko bada.
3 eta 0, garaile
Entrenatzailearen hitzetan, freskotasuna falta izan zen partiduan, baina hala ere, oñatiarrek jakin zuten euren atea zaintzen. Hori bakarrik ez, arerioaren atean, hiru gol egitea ere lortu baitzuten.