"Guretzat hau guztia denbora pasa bat da. Beti izan gara musikazaleak eta orain dugu aukera musika egiten saiatzeko. Ez gara musikari profesionalak, baina ondo pasatzen dugu".
Eta kaleratutako lanaren gainean galdetuta, horrelaxe deskribatzen du Villarrek: "Oso naturala da diskoa. B serieko filmen edo fanzine kulturaren eragina du. Bat-batekotasuna gustatzen zaigu; ez dugu mezurik helarazi gura. Oso abesti motzak dira, letra gutxikoak, eta gauza oso bat-bateko eta gaineko bat egitea da asmoa, mezu transzendental barikoa".
Helburua jendea mugiaraztea dela esan digute euren surf- ye-ye estilo erakargarriarekin. Zuzenekoari begira egindako diskoa dela diote taldekideek egta ziur inor ez dela geldi geratuko. "Guk primeran pasatzen dugu entseguetan eta baita kontzertuetan ere. Astean behin elkartzen gara entseatzeko eta hilean kontzertu bat eskaintzen dugu", diote. Garagea, rock-and-rolla, surfa, eta dibertsioa barra-barra, Anttonenean egubakoitzean 20:00etan.