2009an Thor Hushovd arduratu zen Paris-Nice lasterketako atarikoan Irizarri gozokia ahotik kentzen, eta gaur arratsaldean Oñatikoak esku-eskura izan du garaipena Malagan. 6,8 kilometro izan dituen etapan Jymmy Engoulvent apur bat azkarragoa izan da, apur-apur bat. Hau da, ehunen gutxi batzuetako aldeagatik nagusitu da frantziarra (9.28). Hala, sailkapen orokorrean Irizar bigarren dago, sasoiko dagoela erakutsita.
Espezialisten arteko gerra
Andaluziako itzuliko lehen proban pare-parean egon dira indarrak espezialisten artean. Radioshack taldekoak eta Saur Sojasun taldekoak ibili dira zein baino zein gehiago, eta azken horiek nagusitu dira. Radioshack taldetik irizar bigarren izan da, Leipheimer laugarren eta Ivan Rovny hamargarren. Saur Sojasun taldean, berriz, Engoulvent izan da garailea, bosgarren izan da Jerome Coppel eta seigarren sailkatu da Paul Poux.
Andaluziako itzuliko bigarren etapak 161 kilometro izango ditu, Almuñecar (Granada) eta Adra (Almería) artean.
Sailkapena:
| 1 | Jimmy Engoulvent (Fra) Saur-Sojasun | 0:09:28 | |
| 2 | Markel Irizar Aranburu (Spa) Team Radioshack | ||
| 3 | Jurgen Van Den Broeck (Bel) Omega Pharma-Lotto | 0:00:01 | |
| 4 | Levi Leipheimer (USA) Team Radioshack | 0:00:02 | |
| 5 | Jérôme Coppel (Fra) Saur - Sojasun | 0:00:03 | |
| 6 | Paul Poux (Fra) Saur - Sojasun | 0:00:07 | |
| 7 | Luis Pasamontes (Spa) Movistar Team | 0:00:08 | |
| 8 | Thomas Lövkvist (Swe) Sky Pro Cycling | ||
| 9 | Rigoberto Uran (Col) Sky Pro Cycling | 0:00:09 | |
| 10 | Ivan Rovny (Rus) Team Radioshack | 0:00:10 |