Zapatu eguerdian egin zuen Larraña Institutuak 25. urteurreneko festa ekitaldia. Bideo bat eta argazkiak ikusi zituzten 25 urte horiek gogoratzeko eta oroigarriak banatu zituzten:
- Zazpi zuzendari ohiak: Agustin Laka, Ana Mari Arregi, Xabier Egizabal, Iñaki Urreta, Georgina Peña, Javier Beitia eta Malen Imaz. Gaur egun, Kepa Altube da Zuazola-Larraña Institutuko zuzendaria.
- Bi irakaslek: Jesus Sasiain, 25 urte daramatzalako bertan irakasle, eta Juantxo Imaz, lanerako izan duen borondateagatik.
- Gurasoen izenean: German Aginagalde.
- Ikasleen izenean: Roberto Arkauz, lehen promozioko ikaslea eta egun gurasoen elkartekoa.
Gonbidatu asko ekitaldian
Goizeko 11:00etan kafea hartuz hasi zuten gonbidatuek festa. Tertulian zeuden, noski, Larraña Institutuko hainbat irakasle, zuzendari guztiak eta baina instituzioetako ordezkariak, besteak beste: Oñatiko udaleko ordezkariak, Ainhoa Galdos, Joxe Fernandez, Ernesto Murgiondo eta Marian Lizarralde; Lanbide Heziketako zuzendaria Iñaki Mujika; Gipuzkoako Hezkuntzako Lurralde ordezkari Juan Jose Agirrezabal.
Ekitaldi ofizialaren ostean argazkia atera zuten guztiek eta ondoren tailer berria inauguratu zuten. Gero, luntxa izan zuten.