Aloña Mendi Kirol Elkarteko eski sailak lau eski irteera antolatu ditu urtarriletik martxoa bitarterako:
- Urtarrilak 7-8-9: Baqueira-Beret ( 7 goizean irtenda )
- Otsailak 25-26-27: Baqueira-Beret
- Martxoak 11-12-13: Baqueira-Beret
- Martxoak 25-Apirilak 2: Avoiraz ( Alpeak )
Noiz apuntatu
Lehen hiru irteerak egingo dira 55 pertsona sartzen diren autobusetan. Azkena, berriz, lo egiteko egokitua dagoen autobusean egingo dute eta hor 42 lagun sartzen dira.
Irteera guztietara joateko epean bihar, martitzena, azaroak 30, zabaltzen da. Aloña Mendi tabernan eman beharko da izena martitzenetan edo eguaztenetan 19:30etik 21:00etara.
Forfaitak merkeago
Aurten ere Astun, Candanchu eta Formigaleko forfaitak merkeago eskuratu ahal izango dituzte Oñatin bertan. Hala ere, oraindik ez dituzte prezioak zehaztu.