Baina Oñatiko liburutegiko idazketa tailerrak tentatu ninduen: aurrean nuen Joxemari Iturralde idazle ezagunak zuzendutako idazketa ikastaroa egiteko aukera; gainera, literaturaz ni bezain interesatua dagoen jendea ezagutuko nuen. Eta doan; dena esan behar da.
Bada, hara joan nintzen eta hiru kurtso egin eta gero tailerra bukatu zen –iraupena hori delako–. Nire espektatiba ondo baino hobeto bete zen: irakurtzeari buruz ikasi nuen, eta baita ere neure testuak idaztea ere. Eta oso lagun interesgarriekin konpartitu nuen.
Ez nuena inondik inora espero idazketa tailer horretatik gure sorkuntza propioa ateratzea: liburu bat, non taldekide bakoitzak bi ipuin eta bi haiku idatzi ditugun, eta hitzaurrea Joxemari Iturralderena da.
Izenburua Eta orain gu goaz! da eta herriko liburu-dendetan edota parte hartzen dugunon bidez lor daiteke. Irakurtzera animatuz gero, iritziak ongietorriak izango dira!
