Tresna inozoa dela ematen du... baina ez da horrela, Google bilatzailea orakulu moderno bihurtu baita. Pantaila aurrean eseri eta gure kezka sakonenen erantzunak bilatzen saiatzen gara bertan. Beste inori galdetzera ausartuko ez ginatekeen horietakoak. Eta hori informazio-iturri paregabea izan daiteke gai askotarako.
Seth Stephens-Davidowitz-ek Everybody lies liburuan dioskunez, hauteskundeen emaitzak aurreikusteko balio dezake, adibidez.
Baina ez hori bakarrik, baita gizakion kezkarik sakonenak ezagutzeko ere balio omen dezake. Gizonezkoen kasuan, agian, Google Trendsen laguntzarik gabe asmatzeko gai izango ginateke, kezka nagusiak beraien tramankuluaren tamainaren ingurukoak baitira... Eta emakumeen kasuan, non kokatzen dira kezka horiek? Dirudienez, hankartean ere bai, baina, kasu honetan, bertako usainekin loturik omen daude buruhausteak.
Argi dago errazagoa dela horrelako kezkak makina batekin partekatzea pertsona batekin baino...
