Luze jo dit osaketak, ohean seko errenditu barik unean unekoari forte eta extra atzizkidun denetariko kimikoetan ezarri dut fedea. Medikuaren kontsulta, ostera, Googleri (lupusera gerturatzen nabil, noski), eta ondorioz azken astean ikusitako orri eta webguneak ukendu miragarrien eskaintzekin josi zaizkit. Telebistan jendea eztulka eta tronpa jotzen ikusi dut etengabe.
Gaixoaldiak aspaldiko partez telebista eta ordenagailuaren pantailen aurrean denbora luzea emanarazi dit eta orain konspiranoiak jota nago.
