Hondakinen bilketa sisteman aldaketak ezarri direl

Hondakinen bilketa sisteman aldaketak ezarri direla eta Elgetako nagusien eguneko egoitzara hurbildu gara beraien oroitzapen, bizipen eta iritsiak jasotzeko asmoz. Garbi dute hondakinik onena sortzen ez dena dela, beraien garaian oso gutxi sortzen zen, behin eta berriz berrerabili egiten zutelako. Etxetik eramandako poltsa, otar eta botilekin egiten zituzten erosketak. Papera txapako sua pizteko eta janari hondarrak animaliei botatzeko erabiltzen zuten. Gaur egun erropa eta tresna gehiegi dugula diote eta berehala aspertzen garela hobeagoaren bila joanez eta duguna baztertzen edo botaz. Zaborrik ez egiteko, sinestuta daude hondakinak , beste bizi bat ere badutelako, bereizten etxean hasi behar dela , balio duenak zabortegietan ez bukatzeko.