Egunero daukagu Ukrainako basakeriatik ihesi datozen errefuxiatuen berri. Europa osoak, Polonia buru, besoak zabalik hartuko ditu auzokideak, gerratik babesteko. Gizatasun pixka bat nahikoa da, honek horrela izan behar duela ulertzeko. Baina oraingoan hain ondo ulertzen badugu, zergatik ez dugu berdin jokatzen errefuxiatu guztiekin? Ez al du gure babesa merezi edonolako injustizia eta sufrimendua jasaten ari den edonork? Zurikeria hutsa.
Joko bikoitzaz ohartuta, hasi gara bakearekin batera, berdintasuna aldarrikatzen. Baina kontuz; batzuen hipokrisia ez dadila bihurtu besteen aitzakia. Sarrionandiak senez esan bezala, "nekez uzten du bere sorterria sustraiak han dituenak". Izan gaitezen, bada, sustrai horientzat lur emankor.
