Horrekin, etorkizuneko Arrasate irudikatzen hasi ginen, eta behin eraikin kulturalak amaituta, ordua da etorkizuneko kirol azpiegituren mapa burutzeko.
Azkeneko urteetako lanaren eta prozesu parte-hartzaileen ostean, gertu dago kirol azpiegituren maparen proiektua, Iturripe gune berritu batekin, Musakolako eraikina eraitsi eta Arrasateren beharretara egokitutako eraikin berri batekin eta eskoletako kirolgune egokituekin. Horiek dira, hain zuzen ere, etorkizuneko Arrasatek merezi dituen kirol instalazioak, deszentralizatutako guneak, herritik hasitako eta herriarentzat eginiko proiektuak.
Azkenik, lerro hauek baliatu nahiko nituzke prozesu parte-hartzailean egon diren kideak eskertzeko, beraien denbora eskaintzeagatik eta urte eta erdi iraun duen prozesu honetan egindako lan eta ekarpenagatik.
