Lege aldaketak, lege berriak, jazarpenak, denak balio izan du gure nortasuna eta askatasun egarria ito nahian. Zakartasunez jokatzen dute eta urteetan gure erakundeak kudeatu dituen eskuinak beldur izan dio, albokoak jasan baititu orain arteko egurrak eurek anbiguotasunetik erosotasunean egoteko aukera baliatuz.
Baina oraingoan Espainiako botere judizialak harri gogor batekin egin du topo. Katalunian espainiera inposatu nahi izan du eskoletan, Kataluniako alderdiak euskaldunak baino txepelagoak zirelakoan. Baina PNVri euskarak larregi axola ez dion bezala, CIUk kataluniera beste maila baten defendatzen du. TV3k ez die kirolari katalanei gazteleraz hitz egitea eskatzen –ETBk betidanik– eta CIUkoek medio katalanak zaintzen dituzte. Azkunak aldiz Euskadi irratiari eta Berriari Los vasquitos deitzen die. Katalanek argi esan dute, Espainiak hausturarik nahi ez badu, marra gorri zeharka ezin bat dago, hizkuntza. Batuta, bilduta, ahots bakarraz erantzun dute: "Jo no acato".
