Criminal Remains-en 'Walking on the same old road' diskoa, kalean

Imanol Beloki Unamuno 2017ko eka. 2a, 09:00

Jose Ayudarte eta Beñat Agirreurreta gatzagarrek Ibai Iregi, Dani Sanchez eta Xabi Zugasti aretxabaletarrekin batera, Walking on the same old road diskoa atera berri dute.

Labetik atera berri dute Aretxabaletako eta Leintz Gatzagako Criminal Remains taldekoek disko berria, Walking on the same old road izenekoa, hain zuzen ere.

Beraien punk-oi! estiloa mantenduz, Basaurin grabatu zuten, Luberri estudioan, iaz, uztailean; hala ere, aste honetan kaleratu dute diskoa. Honela azaldu du Beñat Agirreurreta gitarra-joleak: "Ia urtebete pasa da diskoa grabatu genuenetik, baina edizio lanak, marrazkiak, kopiak… direla-eta, aste honetan bukatu dugu. Zortzi kantu ditu gure lan berriak, eta horietako bat, Nealta Fola taldearen bertsio bat da. Diskoaren aurkezpena, berriz, ekainaren 16an Arrasateko gaztetxean egingo dugu…".

Diskoa salgai, 5 eurotan

Diskoa bailarako hainbat lekutan dago salgai dagoeneko, bost eurotan: Gatzagan, Labidean; Eskoriatzan, Hotelean eta Nairan; Aretxabaletan, Txikin, Haizean eta Kixkorren; Arrasaten, Daten eta Taupan; eta Bergaran, Arrano tabernan, hain zuzen ere.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak