"Nai" malabarista eta musika doinu ezberdinekin, jai goiz animatua

Giro aparta izan dute gaur goizean Leintz Gatzagako herritarrek. Hasteko, Ines Osinaga irakasle duen herriko trikitilari taldeak girotu ditu bertako kaleak. Ondoren, munduan zehar bira egiten ari den "Nai" malabaristaren txanda izan da. Ikuskizuna ikustera joan direnak ere, izan dute parte hartu eta beraien trebeziak erakusteko aukera. Amaitzeko, berriz, musika doinuak izan dituzte Otxandiotik etorritako batukada taldearen eskutik.