Eibar-Gasteiz autobidearen eraikuntzan erabilitako metalezko pieza erraldoia zeraman kamioiak matxura izan duenean. Arlabango mendateko bihurgune okerrenean izan du matxura, eta errepide erdian geratu da, ez aurrera eta ez atzera. Hainbat lekukok GOITBri adierazitakoaren arabera gutxigatik ez da irauli.
Bergaratik abiatu da kamioia goizeko bederatziak aldera eta Santiagora zihoan. Goizeko laurak aldera antzerako pieza metalikoa zeraman beste kamioi bat igaro da Arlabandik, eta harek ere arazo dezente izan ditu Gure Ametsako jatetxe parera iristeko.
Auto ilara luzeak Gasteizko noranzkoan
Ertzaintzak hamarrak aldera itxi du Arlabango mendatea. GI-627 errepidea hain justu ere. Gasteizko zein Arrasateko noranzkoan itxi dute mendatea eta auto ilara luzeak sortu dira. Hori horrela, Leintz Gatzagako errepidean autoen joan-etorriak gora egin du.
Kamioi mordoa geratu dira Arlabango mendatean harrapatuta, eta oraindik bertan daude. Eguerdiko ordu batean iritsi dira garabiak, baina uste da arratsaldera arte Arlaban itxita izango dela.