Lehenengo zatia oso parekatua izan zen eta ez zuten golik sartu. Bigarrenean, ostera, Idiazabal hasi zen irabazten eta bigarrena ere hark egin zuen. Ondoren iritsi zen eskoriatzarren gola; bukaeran, berdinketarako denbora barik geratu ziren etxekoak. "Aurkariaren atera geu iritsi gara gehiago baina golak eurek egin dituzte", adierazi du Marta Garcia jokalariak penatuta: "Irabaziz gero Ibarrako taldearen aurka jokatuko genukeen play-offa eta harekin emaitza hobeak lortu izan ditugu orain arte. Baina berriro izango dugu Idiazabal aurrez aurre, eta bere etxean, gainera".
Liderra, Idiazabal, hartu zuen etxean areto futboleko seniorren taldeak atzo, zapatua, eta lanak ondo egin arren ezin izan zuen mendean hartu. Ligako azken partidua zen eta datorren aste bukaeran play-offeko finalerdia izango du, hori ere Idiazabalen aurka eta horren etxean, gainera.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak