goiena.eus

Domeka goizean moto istripu larria izan zuen elgetar batek Kanpanzarren

  Gizartea  Elgeta

Kanpanzar inguruko baso-bide batean gertatu zen ezbeharra. Ertzaintzaren helikoptero batek erreskatatu zuen motorzalea eta Donostia Ospitalera eraman zuten.

Domeka goizean moto istripu larria izan zuen elgetar batek Kanpanzarren
Ertzaintzaren helikopteroa. | Ikusi handiago | Argazki originala

Ertzaintzak jakinarazi du domeka goizeko hamarrak eta hamar aldera deitu zuela SOS Deiak 112 telefono-zenbakira 46 urteko motorzale batek esanez Elgeta gainetik Kanpanzar gainera arteko baso-bide batean istripua izan zuela.

Herrizaingo Saileko prentsa bulegotik adierazi dute berehala mobilizatu zirela larrialdietako zerbitzuak: osasun-zerbitzuak, suhiltzaileak eta Ertzaintza. "Zaurituari lehen laguntza eman zaio bertan, eta, ondoren, istripua izandako lekura iristeko zailtasunak ikusita, Zaintza eta Erreskate Unitatearen helikoptero batek erreskatatu eta Donostia Ospitalera eraman du".

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa