Elgetatik kanpo egindako euskara ikastaroak diruz laguntzeko deialdia kaleratu du Elgetako Udalak. Aurten, gainera, %50 igo du Udalak diru-lerro hori eta 900 eurokoa da. Interesatuek hilaren 29ra arteko epea dute udaletxean eskaera egiteko.
Elgetan erroldatuta egotea, 16 urte beteta edukitzea eta ikastaroan gutxienez %80ko asistentzia izatea eskatzen ditu, besteak beste, Udalak diru-laguntza emateko. Betebeharreko gainerako baldintzak eta aurkeztu beharreko agirien zerrenda udal webgunean daude jasota.
"Aurten %50 igo dugu euskara ikastaroak diruz-laguntzeko diru-lerroa. Guztira, 900 euro dira", azaldu du Iraitz Lazkano alkateak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
