Ekimenak Chill Banana du izena eta urtean zehar garatu behar dituzten hainbat proiektuetako bat da ikasle talde batendako. "Herriko plazan ekitaldi bat antolatu nahi dugu uda giroa aprobetxatzeko. Bertan, hamaka tankerako puzgarri batzuk jarriko ditugu herritarrak lasai eta erlaxatuta egon daitezen. Puzgarriekin batera herriko frutak eta horiekin egindako irabiatuak eskainiko ditugu. Horrela, herritarrak lasai eta erlaxatuta egoteaz aparte bertako fruta dendak saltzen dituzten frutekin gozatzeko aukera izango dute".
