goiena.eus

Ferixa Nagusiko jaietako kartela aukeratzeko botoa ematera deitu dituzte elgetarrak

  Gizartea  Elgeta

Kartel lehiaketa antolatu du Udalak eta bi lan jaso ditu. Buztin gelan izango dira ikusgai barikura arte, eta gustukoenari botoa emateko eskatu diete herritarrei.

Ferixa Nagusiko jaietako kartela aukeratzeko botoa ematera deitu dituzte elgetarrak
Elgetako jaietako kartel lehiaketara aurkeztutako bi proposamenak. | Ikusi handiago | Argazki originala

Hilabete eta erdi inguru gelditzen da Elgetako Ferixa Nagusiko jaietarako eta jai batzordea hasita dago lanean. Egitaraua borobilduz doa eta jaietako kartela aukeratzeko unea iritsi da. Lehiaketa antolatu dute aurten kartela aukeratzeko, eta bi proposamen jaso dituzte.

Herritarrek erabakiko dute irabazlea eta aste honetan botoa ematera deitu dituzte. Bi kartel proposamenak ikusgai izango dira barikura bitartean buztin gelan, goizez zein arratsaldez. Bertan eman daiteke botoa. "Kartel irabazlea 2017ko festetako kartel ofiziala izango da eta irabazleak 100 euroko saria jasoko du!", azaldu dute udal arduradunek. Astelehenean emango du irabazlearen berri.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa