goiena.eus

Lau emakume dira Elgetako briska eta tute txapeldunak

 Elgeta

Lau emakume dira Elgetako briska eta tute txapeldunak Jesusa Iturrikastillo, Asun Arruabarrena, Arantza Arrieta eta Nati Arrieta sariak eskuan. (Argazkia: Luis Mari Arantzeta) | Ikusi handiago | Argazki originala

Jesusa Iturrikastillo eta Asun Arruabarrena nagusitu dira tute txapelketan. Briskako irabazleak, berriz, Nati eta Arantza Arrieta ahizpak dira. Debagoiena mailan jokatuko den txapelketarako sailkatu dira. 

Elgetako erretiratuen elkarteak antolatuta atzo, hilak 28, jokatu zituzten tute eta briska txapelketak Ozkarbi elkartean. Zortzi bikote lehiatu ziren briskan eta sei tutean. Argazkian dituzue bi bikote irabazleak. Ez dira izen berriak. Jesusa Iturrikastillo eta Asun Arruabarrena Gipuzkoako erretiratuen iazko briska txapelketako txapeldunordeak dira. Atzokoan, ordea, ez zuten briskan zorte handirik eduki. Tutean saiatu ziren eta hor bai, txapeldun irten ziren.

Arantza eta Nati Arrieta ahizpek irabazi zuten briska txapelketa. Aurretik ere Arantza Arrieta Gipuzkoa mailako briska txapelketara iritsitakoa da 2011an.

Saria, atzo, botila bana ardo eta gazta erdi bana izan ziren. Horrekin batera bi bikoteak Debagoiena mailan jokatuko den txapelketarako sailkatu dira.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa