Bailarako 170 dantzari inguru elkartu dira gaur Debagoieneko Dantzari Egunean. Goizean, kalejiran heldu dira lepo beteta zegoen Herriko Plazara eta han emanaldia egin dute. Berrikuntzetako bat izan da Eskoriatzako Gorosarri taldeko dantzariak lehenengoz aritu direla dantzari egunean.
Bailarako sei talde ari dira parte hartzen Debagoieneko Dantzari Egunean: Arrasateko Txikitxu Arrostaitz eta Lore Gazteak –antolatzaileak–; Antzuolako Oinarin, Aretxabaletako Leizarra, Oñatiko Oñatz, eta Eskoriatzako Gorosarri. Horiez gain, nola ez, txistulariak eta Garinband taldeko musikariak ere aritu dira, baita Arrasateko Kiliki eta Erraldoien Konpartsako kideak ere.
Goizean plazan egin duten emanaldiaren ostean, Kulturolan ari dira bazkaltzen eta, ondoren, erdiguneko kaleetan zehar ibiliko dira arratsaldean, Arrasateko Ttakun txalaparta elkarteko kideen konpainian.
Goiena telebistak erreportaje bat eskainiko du asteleheneko Hemen Debagoiena saioan, eguneko protagonista izan direnen ahotsak jasota.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak