goiena.eus

Ampo taldeko Xabier Berasategi garaile Arantzazuko Igoeran

  Kirola  Debagoiena  Oñati GAURKOAK

Eskalatzaileendako mendi kriteriuma da Arantzazuko Igoera; eta "esplosiboa" den lasterketa honetan lehena helmugaratzen Ampo taldeko Xabier Berasategi izan da (01:45:26). Lehen Oñatiarra berriz, Ulma taldeko Julen Otero (01:47:53).

Bigarren, zazpi segundo eskasera (01:45:26), Victor Alvaro taldeko Jokin Sarasola txirrindularia helmugaratu da. Lehen oñatiarra Ulmako Julen Otero izan da. Lehen hamabost txirrindulariko taldea zihoala baina, katea atera zaio eta penaz, iritsi dela helmugara azaldu du. "Oso ondo aurkitu naiz aurreneko taldean, baina, katea atera zait eta denbora galdu dut", kontatu du Oterok.

Emakumezkoen artean lehena helmugaratzen Bizkaia-Durango taldeko Lierni Lekuona izan da ordubete eta 50 minutuko denbora eginda. Aurtengo igoerak baina, ibilbidea estreinatu du eta 70 kilometroko egin dute. Aloñako Txirrindularitza saileko presidente Kepa Umerezek balorazio positiboa egin du: "Aurtengoa ezberdina izan da baina polita. Denbora ere polita eta Arantzazu 23 minutu eta 16 segundotan igo du azkarrenak. Beste urtetan baino parte hartze handiagoa izan da. Iaz 60 inguruk hartu zuen parte eta aurten 105 txirrindularik".

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa