goiena.eus

Mikel Linazisoro eta Muriel Ruiz de Larramendi Euskal Herriko Boulder txapeldunak

  Kirola  Debagoiena

Debagoiendar ugarik hartu dute parte asteburuan Iruñeako BiHatz eskalada gunean egin den Euskal Herriko Boulder Txapelketan. Senior mailan Mikel Linazisoro bergararrak eta Muriel Ruiz de Larramendi huartearrak nagusitasunez irabazi badute ere, orokorrean egon den maila "ikusgarria" azpimarratu dute antolatzaileek.

Mikel Linazisoro eta Muriel Ruiz de Larramendi Euskal Herriko Boulder txapeldunak
Euskal Herriko Boulder Txapelketako senior mailako podiumak. | Ikusi handiago | Argazki originala

Guztira 104 eskalatzailek hartu dute parte aurtengo Euskal Herriko Boulder Txapelketan. Iruñeako BiHatz eskalada gunean adin ezberdinetako eskalatzaileak aritu dira; 12 urtez azpikoetatik hasi eta seniorretaraino. Maila nagusian Mikel Linazisoro eta Muriel Ruiz de Larramendik eskuratu dute txapela. Biak ere, Tokio 2020 Olinpiar Jokoetan parte hartzeko hautagaiak izanik, aurtengo txapelketari "sekulako indarra" eman diotela esan dute antolatzaileek.

Txapelketako arduradunak pozik agertu dira izandako parte hartzearekin. Belaunaldi berriek jada lekukoa hartu dutela eta etorkizunak "ilusio handia" sortzen duela esan dute. Gainera, euskal eskaladak "garai onenetako sasoia" berreskuratu duela nabarmendu dute, eta orain artean bezala, aurrerantzean ere eskalatzaile guztiek "Euskal Mendi Federakundea bidelagun" izango dutela jakinarazi dute.

Sailkapenak

Senior gizonezkoak
1.Mikel Linazisoro
2.Ander Mendieta
3.Bittor Esparta

Senior emakumezkoak
1.Muriel Ruiz de Larramendi
2.Maria Amasene
3.Miriam Mulas

20 urtez azpiko gizonezkoak
1. Julen Arriola
2. Beñat Aspe
3. Martin Urrutia

20 urtez azpiko emakumezkoak
1. Irantzu Porres
2. Irati Zabala
3. Suyapa Perez

18 urtez azpiko gizonezkoak
1. Tasio Martin
2. Aitor Zilbeti
3. Jonan Etxeberria

18 urtez azpiko emakumezkoak
1. Maider Galparsoro

16 urtez azpiko gizonezkoak
1. Iker Carrera
2. Aimar Uson
3. Joanes Esparta

16 urtez azpiko emakumezkoak
1. Aitziber Urrutia
2. Izaro Azkue
3.Lucía Arlanzón

*14 eta 12 urtez azpiko Txapelketak ez dira lehiakorrak izan.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa