Eduardo Txillidaren obra plastikoa haurrei ezagutarazteko asmoarekin antolatu da Chillidaren Burdinezko Eguzkia arte-lantegia. Helburua bertan parte hartzen dutenek Eduardo Txillidaren (1924-2002) lanaren zuzeneko berri izatea da. Horretarako artistaren lanetako baten ikerketa eta behaketa zuzena egingo dute; Basilikako ateena, hain zuzen ere. Honetaz gain, Txillidak bere lanbide luzean erabili zituen teknika batzuk ere praktikan jarriko dira.
Izen-ematea
Parte-hartzaile bakoitzak 3 euro ordaindu beharko ditu eta 20 lagunentzako lekua izango da. Izen-ematea info@arantzazugandiaga.com helbidera idatziz edo 943 716 575 nahiz 662 181 353 telefono-zenbakietara deituz egin behar da. Antolatzaileek datorren ekainaren 17an, larunbata, tailerra errepikatzeko asmoa dute.
