Am... ona! taldeak lortu du Bergaran jokatu den Herriarteko Bertso txapelketaren finalerako txartela

Larraitz Zeberio Lekuona 2017ko mai. 14a, 11:26
Bergarako finalaurrekoa jokatu duten bi bertsolari taldeak. (iturria: Gipuzkoako Bertsozale Elkartea)

Asteasuko eta Zizurkilgo kideekin osatutako Karideko Benta taldearekin batera abestuko du hilaren 27an Azpeitian jokatuko den finalean. Izarraitz pilotalekuan egin dute hitzordua, 17:30ean. Sarrerak eta jarraian egingo den afarirako txartelak salgai daude. 

Atzo jokatu zen Bergarako pilotalekuan Gipuzkoako Herriarteko Bertso txapelketako bigarren eta azken finalaurrekoa. Gabiriako Osinalde taldea eta Amasa-Villabonako Am… ona! taldea lehiatu ziren, eta azkenean Am… ona! taldearendako izan da finalerako txartela.

Giro pilota izan zen Bergarako finalaurrekoan eta saio ona egin zuten bi taldeek baina Amasa-Villabonako taldeak egingo du txapelketan aurrera. Jokin Muruak (Osinalde) eta Iñaki Otaegik (Am... on!) egin dituzte gai-jartzaile lanak eta bost lagunek osatu dute epai-mahaia: Beñat Hach Embarek (Osinalde), Aritz Garin (Am…ona!), Itziar Irizar (Itziar), Ramon Iturrikastillo (Debagoiena), eta Aritz Arruti (Aia eta Kitto).

Bergarako finalaurrekoa irabazita, beraz, Am... ona! taldeko Ander Goikoetxea, Amaia Agirre eta Beñat Iguaran izango dira final handian. Osinalde taldeko Aratz Igartzabalek, Endika Igartzabalek eta Gorka Maizek agur esan diote txapelketari.

Finala Azpeitian

Karidadeko Benta (Asteasu, Zizurkil) eta Am… ona! (Amasa-Villabona) taldeek jokatuko dute Herriarteko lehiaketako txapelketa. Azpeitiko Izarraitz pilotalekuan jokatuko da finala, hilaren 27an, 17:30ean. Jarraian, afaria egingo dute Sanagustin kulturgunean. Txartelak salgai daude www.bertsosarrerak.eus atarian eta Sanagustin kulturgunean (Azpeitia).

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak