Arrasateko mugimendu feministak elkarretaratzea deitu du astelehenerako

Larraitz Zeberio Lekuona 2017ko mai. 13a, 16:26

Jakinarazi dute eraso matxista jasan zutela eguenetik egubakoitzerako gauean bi emakumek Arrasaten, eta "erabateko gaitzespena adierazteko" dei egin diete herritarrei. Herrizaingo sailarekin harremanetan jarrita adierazi dute oraingoz ez dutela salaketarik jaso. Goienaren iturrien arabera, San Pankrazio eguneko ospakizunetan gertatu da taberna batean, eta bi emakume dira ustezko erasotuak.

"Bart [eguenetik egubakoitzerako] gauean Arrasaten bi emakumek eraso matxista bat jasan zuten. Nazkatuta gaude behin eta berriz gauza bera errepikatzeaz, baina ez diogu etsiko hau errotik desagerrarazi arte. Gauak eta kaleak gureak dira!".

Arrasateko emakumeen mundu martxako plataformatik egindako adierazpenak dira. Kolektibo feministak elkarretaratzea deitu du astelehenerako. "Arrasateko mugimendu feministak eraso honen aurrean erabateko gaitzespena adierazi nahi du, eta dei egiten die herritar guztiei astelehenean, hilak 15, arratsaldeko 19:00etan herriko plazan izango den elkarretaratzean beraien gaitzespena ere adieraz dezaten (…) Elkartasun osoa adierazi nahi diegu oraingo honetan erasotuak izan diren bi emakumeei".





ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak